Məşhur azərbaycanlı milyarder Fərhad Əhmədov Göyçayda Şəhidlər Xiyabanını ziyarət edib.

İş adamı ötən gün doğulduğu Göyçay rayonunda Vətən Müharibəsi iştirakçıları ilə görüş keçirib. Görüş zamanı 44 günlük savaşın qəhrəmanlarını - şəhidləri də unutmayan F.Əhmədov onların məzarı üzərinə gül dəstələri qoyub, ehtiramını bildirib.

Vətən Müharibəsi iştirakçıları ilə söhbət edən iş adamı sonda əsgərlərlə xatirə fotosu da çəkdirib.

Qeyd edək ki, Fərhad Əhmədov Vətən Müharibəsi dövründə də əsgərləri diqqətdə saxlayıb. Belə ki, o, müharibə dönəmində "Qarabağ müharibəsinin sonunadək hər əsgərə bir bağlama!" kampaniyasına başlayıb. İş adamı müharibədə yaralanan əsgərlərimizin müalicə aldığı hospitallara da yardımlar göstərib.