Dünya Bankı Azərbaycana güzəştli kredit təklif edə bilər.

Bu barədə bankın məlumatında deyilir.

Məlumata əsasən, Dünya Bankı münaqişələrdə iştirak etmiş ölkələr üçün xüsusi kreditləşmə şərtləri tətbiq edəcək. Bu şərtlərə kreditlər üzrə faiz dərəcələrinin azalması daxildir. Münaqişələrin toxunduğu ölkələrin siyahısı hər il iyulun 1-də yenilənir.

"Azərbaycan üçün güzəştli kredit təklifi 2023-cü il iyunun 30-dək qüvvədə olacaq", - Dünya Bankının məlumatında deyilir.