Azərbaycan milli komandasının kikboksçusu Məhəmməd İmanov WJF döyüş təşkilatının kəmərini qazanıb.
Bu barədə Azərbaycan Kikboksinq Federasiyasından bildirilib.
Məlumata əsasən, 57 kiloqram çəki dərəcəsindəki çıxış edən təmsilçimiz döyüşdə erməni əsilli Gürcüstan idmançısı Gela Xojeliana qalib gəlib.
Qeyd edək ki, Məhəmməd İmanov gənclər arasında WAKO Avropa birinciliyinin qalibi, böyüklər arasında dünya çempionatının gümüş medalçısıdır.
