Xəbər verdiyimiz kimi, bu gün Türkiyədə Rusiya və Ukrayna XİN başçılarının görüşü olacaq.

“RİA Novosti”yə istinadən məlumatına görə, Sergey Lavrovla Dmitri Kuleba danışıqlar üçün Moskva vaxtı ilə təxminən 10:45-də (Bakı vaxtı ilə 11:45) Antalyaya gələcək, Türkiyə xarici işlər naziri Mövlud Çavuşoğlu isə protokola əsasən, onlarla görüşəcək. Bu, Rusiya və Ukrayna XİN rəhbərləri arasında Rusiyanın hərbi əməliyyatı başlayandan bəri ilk görüş olacaq.
İclasın saat 11:00-da (Bakı vaxtı ilə 12:00) başlaması gözlənilir.

Görüşün keçiriləcəyi məkanın bayraq dirəklərində Rusiya və Ukrayna bayraqları yan-yana asılıb.
Antalyada Türkiyə, Rusiya və Ukrayna xarici işlər nazirləri Mövlud Çavuşoğlu, Sergey Lavrov və Dmitri Kuleba arasında üçtərəfli görüş başlayıb.
XİN rəhbərlərinin görüşü yekunlaşıb.

S. Lavrovla D. Kuleba ayrı-ayrılıqda mətbuat konfransı keçirir.