Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında telefon danışığı baş tutub.
Demiryumruq.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr İdarəsinin məlumatında deyilir.
Söhbət zamanı Türkiyə-ABŞ ikitərəfli əlaqələri, Suriyadakı son proseslər, Qəzza Sülh Şurasının fəaliyyəti, müdafiə sənayesi ilə bağlı məsələlər başda olmaqla, ticari əlaqələr, regional və qlobal mövzular da müzakirə olunub.
Prezident Ərdoğan Sülh Şurasının Qəzzadakı humanitar fəlakətin sonlandıracağına və Qəzzanın bərpası ilə bölgədə davamlı sülhün bərqərar olacağına inandığını söyləyib.
