Ermənistanın "Vətən uğrunda Tavuş" hərəkatının minlərlə tərəfdarı hökumətə etiraz etmək üçün mitinqə başlayıb.
Bu barədə Ermənistan KİV-i məlumat yayıb.
Bildirilib ki, onlar İrəvanın mərkəzindəki Respublika Meydanına toplaşıblar.
Aksiyaçılara qoşulan Tavuş yeparxiyasının keşişi Baqrat Qalstanyan Ermənistanın Baş naziri Nikol Paşinyanın istefası üçün bir saat vaxt verdiyini bildirib:
"Bir saat ərzində sizinlə görüşməyə və istefa şərtlərini müzakirə etməyə hazıram".
Qeyd edək ki, bundan əvvəl Ermənistan Milli Təhlükəsizlik Xidməti xəbərdarlıq edərək, bugünkü mitinqin qarşısının alınacağını açıqlamışdı.
