Müğənni Akif İslamzadə infarkt keçirib.

Sənətçinin oğlu Ayxan İslamzadə Musavat.com-a açıqlamasında atasının səhhəti ilə bağlı son vəziyyəti açıqlayıb.

Onun sözlərinə görə, sənətçi ağır formada infarkt keçirib və ürəyə gedən üç damardan biri tutulub. Həkimlər gecə saatlarında əməliyyat həyata keçirərək damara stent yerləşdiriblər.
Ayxan İslamzadə bildirib ki, hazırda atasının vəziyyəti orta-ağır olaraq qalır:

"Gecə əməliyyat etdilər və damara stent yerləşdirdilər. Bu gün günortadan sonra palataya yerləşdirəcəklər. Buna qədər heç vaxt ürəyindən şikayəti olmayıb. Ancaq yaşı ilə əlaqədar kiçik xəstəlikləri olurdu".

Qeyd edək ki, Azərbaycan estradasının ən tanınmış simalarından olan Akif İslamzadə uzun illərdir səhnə fəaliyyətindən uzaq həyat yaşayır.

Şahanə Rəhimli