"Azərbaycanda 6 421 960 nəfər seçici var”.
Demiryumruq. Az xəbər verir ki, bunu Mərkəzi Seçki Komissiyasının sədri Məzahir Pənahov bu gün keçirilən mətbuat konfransında deyib.
MSK sədri bildirib ki, seçki günü 18 yaşı tamam olan seçicilərin sayı isə 374 nəfərdir.
O, seçki məntəqələrinin sayını da açıqlayıb: “6478 seçki məntəqəsi var. Onlardan 6343-ü daimi, 135-i isə müvəqqəti seçki məntəqələridir”.
Bildirilib ki, ən yaşlı qadın seçici 78 saylı Lənkəran kənd seçki dairəsinin 38 saylı məntəqəsində qeydiyyatda olan 1890-cı il təvəllüdlü Əzizova Tamamdır. Ən yaşlı kişi seçici isə 28 saylı sabunçu üçüncü seçki dairəsinin 47 saylı məntəqəsində qeydiyyatda olan 1915-ci il təvəllüdlü İbrahimov Hilal İsa oğludur.
