Cari ilin yanvar-noyabr aylarında 65 minə yaxın ipoteka müqaviləsi qeydiyyata alınıb.

Əmlak Məsələləri Dövlət Xidmətindən AZƏRTAC-a bildirilib ki, on bir ay ərzində 262 min 647 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə ötən ilin eyni dövrü ilə müqayisədə 23,6 faiz artım deməkdir.

Yanvar-noyabr ayları ərzində qeydiyyata alınan ipoteka müqaviləsinin sayı keçən ilin müvafiq dövrü ilə müqayisədə 38 faiz artaraq 64 min 963 olub.