İngiltərənin məşhur klubu “Mançester Yunayted” satışa çıxarılır. Klubun sahibi olan Qleyzer ailəsi klubu 2023-cü ilin birinci rübünün sonuna qədər satmağı planlaşdırır.

AZƏRTAC bu barədə “The Athletic”ə istinadla xəbər verir.

Klubun ilkin satış qiyməti 6-7 milyard funt-sterlinq arasında müəyyən edildiyi bildirilir.

Qeyd edək ki, 2005-ci ildən “qırmızı şeytanlar”ın sahibi olan Qleyzerlər ailəsi noyabrda klubu satmağa hazır olduqlarını bəyan etmişdilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin