Türkiyədə zəlzələdən 165 saat sonra daha bir nəfər dağıntılar altından çıxarılıb.

AZƏRTAC “TRT Haber”ə istinadla xəbər verir ki, Adıyamanda 165 saat dağıntılar altında qalmış 44 yaşlı Naime Şakar xilas edilib.

Zəlzələ bölgəsində axtarış-xilasetmə işləri davam etdirilir.

Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub.