İsrail ordusu Qəzza zolağına hava zərbələri endirib.

AZƏRTAC TASS agentliyinə istinadla xəbər verir ki, bu barədə İsrail ordusunun tviter hesabında bildirilib.

Qeyd olunub ki, aviazərbələr HƏMAS-ın silah istehsalı obyektlərinə, raket istehsalı üçün istifadə olunan kimyəvi xammalın istehsalı və saxlanılması, həmçinin Qəzza zolağının mərkəzində yerləşən silah istehsalı müəssisələrinə endirilib.