Böyük Britaniya hazırda Ukraynaya “Tayfun” qırıcı təyyarələri göndərməyi planlaşdırmır. Hesab edilir ki, belə bir addım münaqişəni daha da gərginləşdirər.

AZƏRTAC xəbər verir ki, bu barədə Kral Hərbi Hava Qüvvələrindəki mənbələrə istinadən “The Telegraph” qəzeti yazıb.

Qeyd edilib ki, Britaniya hərbi komandanlığı Ukraynaya qırıcı təyyarələrin göndərilməsini qarşıdurmanın miqyasını artıracaq çox riskli addım hesab edir.

Bundan əlavə, London hesab edir ki, ukraynalı pilotların hazırlanması bir neçə il çəkə bilər.

© Materiallardan istifadə edərkən hiperlinklə istinad olunmalıdı