Meksikanın paytaxtı Mexikoda metro stansiyada iki qatarın toqquşması nəticəsində 1 nəfər ölüb, 57 nəfər xəsarət alıb.

AZƏRTAC xarici KİV-lərə istinadla xəbər verir ki, bu barədə şəhərin ictimai təhlükəsizlik departamentinin rəhbəri Omar Qarsiya bildirib.

Qeyd edilib ki, zərərçəkənlər Mexikodakı tibb müəssisələrinə aparılıb və onlara lazımi yardım göstərilib.

Hadisənin səbəbləri barədə hələlik məlumat verilməyib. Xilasetmə əməliyyatı davam edir.