Rusiyanın Dağıstan Respublikasında kəskin respirator virus infeksiyasına (KRVİ) yoluxma hallarının artması səbəbindən 30-dan çox məktəb və 16 uşaq bağçası bağlanıb.

AZƏRTAC xəbər verir ki, bu barədə Dağıstan Təhsil və Elm Nazirliyi məlumat yayıb. Respublika Səhiyyə Nazirliyi infeksiyaya, xüsusilə “donuz qripi”nə yoluxma hallarının artdığını bildirib. Xəstəliyin əsasən ahıllar, uşaqlar və hamilə qadınlarda fəsadlarla müşayiət olunduğu vurğulanıb.