Marşall adalarının bayrağı altında üzən və göyərtəsində Hindistana məxsus yük olan "MT Sarv Shakti" qazdaşıyan tankeri Hörmüz boğazını təhlükəsiz şəkildə keçib və ayın ortalarına qədər Hindistana çatacağı gözlənilir.
Demiryumruq.az Publika.az-a istinadən xəbər verir ki, bu barədə Hindistanın ANİ agentliyi məlumat yayıb.
Agentliyin mənbələrinin məlumatına görə, 18-i Hindistan vətəndaşı olmaqla 20 ekipaj üzvünün olduğu və 46 313 ton mayeləşdirilmiş qaz daşıyan "MT Sarv Shakti" gəmisi mayın 2-də Hörmüz boğazını keçib. Gəminin mayın 13-də Vişakhapatnama çatacağı proqnozlaşdırılır.
