NATO-nun baş katibi Mark Rutte İran müharibəsindən bəri ilk dəfə gələn həftə ABŞ-a səfər edəcək.

Musavat.com Reuters agentliyinə istinadən xəbər verir ki, məlumatı NATO-nun sözçüsü Alison Hart açıqlayıb:

"NATO-nun baş katibi Mark Ruttenin gələn həftə ABŞ-a səfər edəcəyini təsdiqləyə bilərəm".

Hart səfərin "çoxdan planlaşdırıldığını" vurğulayıb.

Ruttenin səfəri ABŞ prezidenti Donald Trampın blokun İranla müharibəyə girməkdən imtina etməsindən sonra ABŞ-ın NATO-ya üzvlüyünün bütün aspektlərini nəzərdən keçirmək niyyətində olduğu barədə xəbərlərdən sonra elan edilib.