Hindistanın Madhya Pradeş ştatında məbəddə döşəmənin çökməsi nəticəsində quyuya düşərək ölənlərin sayı 35-ə çatıb.

AZƏRTAC xəbər verir ki, bu barədə Hindistan NDTV kanalı məlumat yayıb.

İndor şəhərindəki mağara məbəddə zəvvarların sayının çoxluğu səbəbindən döşəmə çöküb və adamlar quyuya düşüblər.

Hadisə nəticəsində xəsarət alan 13 nəfər xəstəxanaya yerləşdirilib. Ölənlər arasında qadınlar və uşaqlar da var. İtkin düşən bir nəfərin axtarışları davam edir.