Misirin Nil deltası bölgəsindəki Şərqiyə vilayətində yük avtomobilinin mikroavtobusla toqquşması nəticəsində azı 6 nəfərin öldüyü bildirilir. Ağır yol qəzasında yaralanan 13 nəfər isə xəstəxanaya çatdırılıb.

AZƏRTAC “Əl Əhram” qəzetinə istinadla xəbər verir ki, Misirin Səhiyyə Nazirliyi yol qəzasında xəsarət alan sərnişinlərdən dördünün vəziyyətinin ağır olduğunu bildirib. Şərqiyə prokurorluğu insidentlə bağlı cinayət işi açıb.

Daha bir ağır yol qəzası Misirin Qahirə-Süveyş avtomagistralında baş verib. Bu insident nəticəsində 4 nəfər ölüb, 12 sərnişin xəsarət alıb.