Serbiya və Macarıstan təhlükəsizlik sahəsində əməkdaşlığı gücləndirmək üçün Strateji Şura yaradacaq.
AZƏRTAC xəbər verir ki, bu barədə Serbiya prezidenti Aleksandr Vuçiç “TV Pink” telekanalına müsahibəsində bildirib.
“Strateji Şuranın yaradılması bizə təhlükəsizlik məsələlərində və terrorizmlə mübarizədə daha səmərəli əməkdaşlıq etməyə imkan verəcək. Bu, bizə silahlı qüvvələr və hüquq-mühafizə orqanları səviyyəsində əməkdaşlıq etmək imkanı verəcək”, - deyə A.Vuçiç qeyd edib.
Serbiya Prezidenti bildirib ki, Strateji Şuranın formalaşdırılması ilə əlaqədar yüksək səviyyəli iclas keçiriləcək, iclasda Macarıstan Prezidenti və hər iki dövlətin hökumət üzvləri iştirak edəcək. Tədbirin may ayında Belqrad və ya Novi Sadda baş tutacağı gözlənilir.