ÇXR-in Sədri Si Cinpin Ukrayna Prezidenti Volodimir Zelenski ilə online-görüş keçirməyi planlaşdırır.

AZƏRTAC “The Wall Street Journal” nəşrinə istinadla xəbər verir ki, Si Cinpin gələn həftə Moskvaya səfər edərək Rusiya Prezidenti Vladimir Putinlə görüşmək, sonra isə Volodimir Zelenski ilə online danışıqlar aparmaq niyyətindədir.

Bir müddət öncə Rusiya prezidentinin mətbuat katibi Dmitri Peskov müvafiq məsələ ilə bağlı Pekin və Moskva arasında qarşılıqlı razılaşma əldə edildikdən sonra Si Cinpinin Moskvaya səfəri barədə məlumat verəcəyini bildirib.