Azərbaycanda “Xankəndi” şəhərini təmsil edəcək futbol klubu yaradılıb. Bu barədə klubun təsisçilərindən olan Vasif İsmayılov məlumat verib.

O bildirib ki, yeni yaradılan klub AFFA Region Liqasında mübarizə aparacaq.

“Xankəndi” klubu ev oyunlarını Şamaxı İdman Olimpiya Kompleksinin Stadionunda keçirəcək: “Məşqlərimiz isə Bakıda keçiriləcək. Hazırda heyət formalaşdırılıb, məşqlərə start vermişik. Baş məşqçi isə iki həftədən sonra açıqlanacaq”.