Bu gün futbol üzrə Azərbaycan yığması UEFA Millətlər Liqasında növbəti oyununu keçirəcək.
Demiryumruq. Az xəbər verir ki, Fernandu Santuşun rəhbərlik etdiyi kollektiv səfərdə Slovakiyanın qonağı olacaq. Matçın start fiti Bakı vaxtı ilə saat 20:00-da səslənəcək.
Görüşü polşalı FİFA referisi Damian Silvestrjak idarə edəcək.
Qeyd edək ki, Azərbaycan yığması ilk görüşdə doğma meydanda İsveç seçməsinə məğlub olub- 1:3.
*
Matç başladı.
***
Meydan sahibləri 22-ci dəqiqədə hesabda irəli çıxıb.
Ondrey Duda penalti zərbəsini dəqiq yerinə yetirib - 1:0.
***
Slovakiya matçda növbəti qol vurub. 26-cı dəqiqədə Streleç fərqlənməyi bacarıb - 2:0.
***
UEFA Millətlər Liqasının Slovakiya - Azərbaycan matçında ilk hissə başa çatıb.
***
İkinci hissə başladı.
***
Yığmamız Millətlər Liqasınının oyununda Slovakiyaya məğlub olub.
Koşitse şəhərində keçirilən qarşılaşmanın 22-ci dəqiqəsində Ondrey Duda, 4 dəqiqə sonrasında isə David Strelets fərqlənib.
Qeyd edək ki, milli komandamız C Liqasının I qrupunun ilk görüşündə İsveçə 1:3 hesabı ilə uduzmuşdu.
