Paytaxtın Nizami rayonu ərazisindəki mağazaların birində paytaxt sakini olan bir qadının içərisində 6800 manat pulunun, sənəd və ev açarları olan çantasının oğurlanması barədə polisə məlumat daxil olub.

Daxili İşlər Nazirliyinin mətbuat xidmətindən AZƏRTAC-a bildirilib ki, Nizami Rayon Polis İdarəsinin 25-ci polis şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən paytaxt sakini, əvvəllər məhkum olunmuş Emin Əliyev müəyyən olunaraq saxlanılıb.

Faktla bağlı araşdırma aparılır.