Fövqəladə Hallar Nazirliyinin (FHN) əməkdaşlarının həyata keçirdikləri təcili və təxirəsalınmaz tədbirlər sayəsində Abşeron rayonunun Məmmədli kəndindəki yeddimərtəbəli yaşayış binasındakı yanğın qısa müddətdə məhdudlaşdırılıb.

Nazirliyin mətbuat xidmətindən AZƏRTAC-a bildirilib ki, hazırda yanğının tam söndürülməsi istiqamətində tədbirlər davam etdirilir.

Yanğınla mübarizə tədbirlərinə FHN-in ümumilikdə 25-ə yaxın texnika və 130 nəfərə yaxın canlı qüvvəsi cəlb olunub.