Səudiyyə Ərəbistanında ağır yol-nəqliyyat hadisəsi baş verib.

“Qafqazinfo” xəbər verir ki, hadisə bu gün səhər saatlarında qeydə alınıb.

Belə ki, Məkkədən Mədinəyə doğru hərəkət edən avtobus dizel yanacağı daşıyan yük maşını ilə toqquşub.

Avtobusda olan azı 42 hindistanlı zəvvar ölüb, bir neçə nəfər isə ağır xəsarət alıb.  

Hazırda hadisə yerində xilasetmə işləri aparılır.