Rusiya artıq təhlükəli strateji asimmetriyadan istifadə edərək Ukraynanın infrastrukturunu məhv edə, eyni zamanda öz hərbi iqtisadiyyatını qoruyub saxlaya bilmir.
Demiryumruq.az xəbər verir ki, bunu ukraynalı ekspert Sergey Makoqon bildirib.
Onun fikrincə, Ukrayna Kremlə təzyiq nöqtəsini tapıb:
“Məhz Rusiyanın neft sənayesinə vurulan zərbələr Kreml üçün müharibəni davam etdirməyin iqtisadi, hərbi və siyasi xərclərini artırır. Bu proses o vaxta qədər davam etməlidir ki, Moskva müharibəni uzatmağın onu dayandırmaqdan daha baha başa gələ biləcəyini başa düşsün".
Ekspert qeyd edib ki, artıq Sibirin dərinliklərində yerləşən digər mühüm enerji obyektləri də Ukraynanın zərbə imkanları daxilindədir:
"Rusiyanın artıq təhlükəsiz arxa cəbhəsi yoxdur və məsafə artıq müdafiə vasitəsi sayılmır”.
