Cari ildə ümumilikdə 310 mindən çox şəxsə e-sistemlər üzərindən proaktiv təyinat aparılıb. Növbəti ildən proaktiv təyinat sahəsinin daha da genişləndirilməsi üçün Əmək və Əhalinin Sosial Müdafiəsi Nazirliyinin e-sistemlərində aidiyyəti üzrə inteqrasiya və təkmilləşmə işləri davam etdirilir.

AZƏRTAC xəbər verir ki, bu barədə nazirliyin tabeliyindəki DOST Rəqəmsal İnnovasiyalar Mərkəzinin (DOST RİM) direktoru Kənan Əkpərov sosial sahədə elektronlaşma proqramının icrası ilə bağlı 2022-ci il üzrə görülən işlər və qurumun hədəflərinə dair keçirdiyi mətbuat konfransında məlumat verib.

"Bu il nazirliyin 30-dan çox e-arayış xidməti vasitəsilə 530 min 631 e-arayış verilib", - deyə K.Əkpərov bildirib.