Məişət zorakılığından zərər çəkmiş şəxslərə qeyri-dövlət yardım mərkəzlərinin akkreditasiyası Komissiyasının növbəti iclası keçirilib.

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AZƏRTAC-a verilən məlumata görə, iclasda məişət zorakılığından zərər çəkmiş şəxslərlə əlaqədar görülən dəstək tədbirləri müzakirə olunub.

Komissiyanın sədri Vüqar Behbudov bildirib ki, 2021-ci ildən fəaliyyətə başlayan komissiya akkreditə olunmuş təşkilatların monitorinqi və yeni təşkilatların qəbulu işlərini aparır.

Əvvəlki illərdə akkreditasiyadan keçərək fəaliyyət göstərən qeyri-hökumət təşkilatlarının fəaliyyəti davamlı olaraq nəzarətdə saxlanıb.

Məişət zorakılığına məruz qalmış şəxslərlə iş aparmayan və ya fəaliyyətini tamamilə dayandıran bəzi qeyri-dövlət yardım mərkəzlərinin akkreditasiyası ləğv edilib.

Ötən il 4 QHT-nin qiymətləndirildiyi, onlardan 3 təşkilatın akkreditə olunduğu, hazırda həmin istiqamətdə akkreditə olunmuş 8 qeyri-dövlət yardım mərkəzinin fəaliyyət göstərdiyi bildirilib.

© Materiallardan istifadə edərkən hiperlinklə istinad olunmalıdır