Bu günlərdə Azərbaycan Zəvvarları Şirkətinin rəhbəri Cavid Abdullayev "İatanbul İş Adamları Dərnəyi" (İSTİAD) direktorlar şurasının qərarı ilə ölkə üzrə təmsilşisi təyin edilib. Bu barədə Demiryumruq.az saytına daxil olan məlumatlarda öz əksini tapıb. 

Bir daha nəzərinizə çatdıraq ki, "İatanbul İş Adamları Dərnəyi" (İSTİAD) Milli və Beynəlxalq iş dünyasında güclü, davamlı və ehtimada əsaslanan işgüzar əməkdaşlıq yaratmaq məqsədi ilə 2015-ci ilə İstanbulda təsis edilib. Qardaş Türkiyədə fəaliyyətə başlayan "İSTİAD" sənayeçiləri və iş adamları ortaq korporativ çətir altında bir araya gətirir. Sektordan, miqyasdan və ya ölkələrdən aslı olmayaraq səmərəli fəaliyyət göstərən "İSTİAD", Türkiyənin strateji mövqeyinə və iqtisadi potensialına əsaslanaraq, iş birliyi arasında davamlı və yüksək keyfiyyətli kommersiya əlaqələrinin qurulmasını asanlaşdıran bir korporativ biznes inkişaf platformasıdır.

Məsələ ilə bağlı Azərbaycan Zəvvarları Şirkətinin rəhbəri Cavid Abdullayevlə əlaqə saxladıq. Cavid müəllim məsələnin mahiyyəti barədə bizə məlumat verməklə yanaşı onu da diqqətimizə çatdırdı ki, "İatanbul İş Adamları Dərnəyi" (İSTİAD) dünyanın bir çox ölkələrində ən yüksək şəkildə fəaliyyət göstərir. Azərbaycanda təmsilşi kimi fəaliyyətə başlayacağını söyləyən C. Abdullayev, cənab prezident İlham Əliyevin sahibkarlara, iş adamlarına yaratdığı şəraitə görə ölkə başçısına dərin dəşəkkürünü bildirdi.

Demiryumruq.az