Azərbaycan Avtomobil Yolları Dövlət Agentliyi (AAYDA) vətəndaşların müraciətlərinə baxılması və bu müraciətlərdə qeyd olunan problemlərin həllində fəal olduğu üçün təltif edilib.

Agentliyin İctimaiyyətlə əlaqələr şöbəsindən AZƏRTAC-a bildirilib ki, təltifetmə Onlayn İctimai Nəzarət Platforması layihəsinin rüblük (2022-ci il dekabr – 2023-cü il fevral) yekunlarına dair keçirilən dəyirmi masasında baş tutub.

2021-ci ildə fəaliyyətə başlayan layihə nəticəsində müxtəlif problemlərlə bağlı ictimaiyyətin müraciətləri toplanaraq müvafiq dövlət orqanlarına yönəldilir.