22.10.2022-ci il Ağdaş Regional Mədəniyyət idarəsinin tabeliyində fəaliyyət göstərən Göyçay rayon MKS-İ və onun şəhər 3 saylı Arvan kitabxana filialı həmyerlimiz istedadlı rəssam,pedaqoq Ehtiram Kərimovun , Rəngləri danışdıran rəssam" adlı fərdi sərgisini keçirdilər.Sərgidə rəssamın 50 çox tablosu ilə yanaşı tələbələrinində rəsm əsərləri nümayiş olunurdu.Tədbirdə rayonun ziyalıları, kitabxanaların əməkdaşları,
oxucuları və başqa qonaqlar iştirak edirdilər. Arvan kitabxanasının filial müdiri Mehriban Məmmədova tədbiri açaraq qonaqlara Ehtiram Kərimovun yaradıcılığı haqqında məlumat verdi.Sonra MKS-nin direktoru Nərmin Xəlilova belə bir tədbir keçirdikləri üçün çox şad olduqlarını,Ehtiram Kərimovun çəkdiyi tabloların hər kəsə böyük zövq verdiyini və belə tədbirlərin davamlı olmasını arzuladı.Sonra çıxış edən Ehtiram Kərimov qonaqları salamlayaraq onun fərdi sərgisinə gəldikləri üçün öz təşəkkürünü bildirdi. Rayon ictimaiyyətinin böyük marağına səbəb olduğu üçün sərgi iki gün davam edəcək.