Bu gün Qaradağ rayonunun Lökbatan qəsəbəsində Vətən müharibəsi şəhidləri Ramal Məmmədov və Pərviz Məmmədovun anım günləri qeyd olunub.

Anım mərasimində Qaradağ Rayon İcra Hakimiyyətinin başçısı Süleyman Mikayılov, şəhidlərin ailə üzvləri, rayon icra hakimiyyətinin məsul nümayəndələri iştirak ediblər.

Şəhid Ramal Məhəmməd oğlu Məmmədov 01 yanvar 2000-cı il tarixində Gəncə şəhərində anadan olub. Xocavənd və Füzuli rayonu uğrunda gedən döyüşlərdə qəhrəmancasına iştrak etmiş, böyük şücayət göstərib. Ramal Məmmədov 2020-ci il oktyabrın 1-də Füzuli rayonu uğrunda gedən döyüşlərdə qəhrəmancasına şəhid olub.

Şəhid kapitan Məmmədov Pərviz Ələddin oğlu 09 avqust 1989-cu il tarixində Tovuz rayonu Çeşməli kəndində anadan olmuşdur. Pərviz Məmmədov 2020-ci il sentyabrın 30-da Füzuli uğrunda döyüşlər zamanı şəhid olub.

Hər iki şəhid Qaradağ rayonu Lökbatan qəsəbəsində şəhidlər xiyabanında dəfin olunub.

Şəhidlər ölməz, Vətən bölünməz! Allah Şəhidlərimizə rəhmət eləsin!