Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar Prezident İlham Əliyevin IX Qlobal Bakı Forumunda səsləndirdiyi bəyanatını dəstəkləyib.
Bu barədə xüsusi nümayəndənin rəsmi "Twitter" səhifəsində yerləşdirilmiş paylaşımda deyilir.

"Prezident İlham Əliyevin Qlobal Bakı Forumundakı bəyanatını oxumaqdan məmnun oldum: Ermənistanla müsbət dinamikanın ardınca indi sülhün bərqərar olmasının, əməkdaşlığın əsasının qoyulmasının və praktiki icraya keçilməsinin vaxtıdır. Avropa İttifaqı bunu güclü şəkildə dəstəkləyir", - paylaşımda deyilir.