Qadın – həyatın başlanğıcı, cəmiyyətin dayağı
Hər il dünyada 8 mart – Beynəlxalq Qadınlar Günü qeyd olunur. Bu tarix sadəcə bayram deyil, qadının cəmiyyətdəki roluna, əməyinə, mübarizəsinə və fədakarlığına verilən dəyərin simvoludur.
8 martın tarixi XIX əsrin sonu və XX əsrin əvvəllərində qadınların əmək, hüquq və bərabərlik uğrunda apardığı mübarizədən başlayır. 1910-cu ildə alman ictimai xadimi qadınların hüquqlarının müdafiəsi üçün beynəlxalq qadınlar gününün təsis olunmasını təklif etmiş və bu tarix sonradan dünyanın bir çox ölkəsində qeyd olunmağa başlamışdır.
Azərbaycanda isə qadına hörmət və ehtiram yalnız bir günlə ölçülmür. Azərbaycan qadını tarix boyu ailənin sütunu, cəmiyyətin mənəvi dayağı olmuşdur. Hələ dövründə qadınlara seçki hüququ verilməsi ölkəmizin qadın hüquqları sahəsində nə qədər irəli düşüncəyə malik olduğunu göstərən mühüm bir hadisə idi. Bu addım bir çox Avropa ölkələrindən belə daha əvvəl atılmışdı.
Azərbaycan tarixində və mədəniyyətində qadınların rolu həmişə yüksək olmuşdur. Qəhrəmanlığı və dövlətçilik bacarığı ilə seçilən , siyasi iradəsi ilə tarixdə iz qoyan , Qarabağ xanlığının idarəçiliyində mühüm rol oynamış kimi şəxsiyyətlər Azərbaycan qadınının gücünün və zəkasının rəmzləridir.
Ana, bacı, həyat yoldaşı, qız övladı – qadın həyatın hər mərhələsində sevginin, mərhəmətin və sədaqətin təcəssümüdür.
Azərbaycan ailə modelində ana müqəddəs sayılır. Bu düşüncə yalnız milli ənənələrimizdən deyil, həm də İslam dəyərlərindən qaynaqlanır. Peyğəmbərimiz buyurmuşdur: “Cənnət anaların ayaqları altındadır.” Bu kəlam qadına, xüsusilə anaya verilən ən yüksək dəyərin ifadəsidir.
Türk xalqlarının tarixində də qadın hər zaman yüksək mövqedə dayanmışdır. Qədim türk dövlətlərində qadınlar dövlət idarəçiliyində iştirak edir, xaqanlarla birlikdə qərarlar verirdilər. Ailə, cəmiyyət və dövlət həyatında qadının sözü və mövqeyi hörmətlə qarşılanırdı.
Azərbaycan qadını yalnız ailənin deyil, həm də Vətənin dayağıdır. Xüsusilə və dövrlərində qadınlarımız böyük fədakarlıq göstərmişdir. Onlar həm cəbhədə tibb işçisi, könüllü və döyüşçü kimi xidmət etmiş, həm də arxa cəbhədə əsgər yetişdirən analar olmuşlar. Bu torpaqların azadlığı uğrunda canını fəda edən şəhidlərimizin arxasında güclü analar, səbirli həyat yoldaşları, qürurlu bacılar dayanır.
Şəhid analarının göz yaşı bir xalqın azadlıq tarixinin ən ağır, amma ən şərəfli səhifələridir. Onların fədakarlığı Azərbaycan dövlətinin müstəqilliyinin və azadlığının qiymətini bizə daim xatırladır.
Bütün bunları nəzərə alaraq demək olar ki, qadına hörmət yalnız 8 martla məhdudlaşmamalıdır. Qadınlara sevgi, diqqət, qayğı və nəvaziş ilin bir günü deyil, 365 günün hər saniyəsində, hər dəqiqəsində, hər saatında göstərilməlidir. Çünki qadın həyatın başlanğıcıdır, ailənin nurudur, cəmiyyətin sabahıdır.
Qadın gülərsə, dünya gülər. Qadın güclü olarsa, cəmiyyət güclü olar. Qadına verilən dəyər isə bir millətin mədəniyyətinin və mənəviyyatının ən böyük göstəricisidir.
Anar NAĞIYEV, hüquqşünas-jurnalist
