"Biz uzun illər müşahidə edirik ki, yüksək nəticə göstərən abituriyentlərin ən azı bir valideyni müəllimdir”.
Demiryumruq. Az xəbər verir ki, bu barədə Dövlət İmtahan Mərkəzinin İdarə Heyətinin sədri Məleykə Abbaszadə ötən il keçirilən ali təhsil müəssisələrinin bakalavriat səviyyəsinə tələbə qəbulu imtahanlarının nəticələrinin elmi-statistik təhlili ilə bağlı təşkil olunan tədbirdə deyib.
Onun sözlərinə görə, uzun illərdir yüksək bal toplayan abituriyentlərlə bağlı anket materialı toplayarkən bu nəticəyə gəlinib. DİM sədri əlavə edib ki, həmin müəllimlərdən biri, xüsusilə də riyaziyyat müəllimi olur.
