Bu gün Brüsseldə ABŞ-Avropa İttifaqı və Ermənistan arasında keçirilən görüşün mahiyyəti bir çox məsələləri dəyişəcək.

Bunu Milli Məclisin bu gün keçirilən iclasında deputat Elman Nəsirov deyib.

O qeyd edib ki, ABŞ Dövlət katibi və Avropa Komissiyasının sədrinin Azərbaycan Przidenti İlham Əliyevlə telefon danışığında vəziyyəti mümkün qədər izah etməyə çalışıb:

“Bütün bunlar Azərbaycana onun liderinə olan yanaşmanın göstəricisidir. Amma buna baxmayaraq, bugünki görüş regionda formalaşmaqda olan yeni konfiqurasiyanın pozulmasına xidmət edir”.

Deputat bildirib ki, Ermənistana verilən vədlər bölgədə yenidən gərginliyin yaranmasına, revanşizmin alovlanmasına səbəb olacaq.