Bu il Məhərrəm ayının onuncu günü - yəni Aşura iyulun 28-nə təsadüf edib. Aşura günü ilə əlaqədar ölkənin müxtəlif yerlərində qanvermə aksiyaları keçirilir.

Oxu.Az xəbər verir ki, qanvermə aksiyası Təzəpir məscidində 9:00-dan başlayıb.

Qan vermək istəyən yüzlərlə insan məscidə axın edərək, qan verir.

Ümumilikdə qanvermə aksiyaları səkkiz məscid və ziyarətgahda, habelə səkkiz səhiyyə müəssisəsində keçirilir.

Qeyd edək ki, iyulun 19-dan başlayan Məhərrəm ayı avqustun 17-də başa çatacaq. Növbəti gün, avqustun 18-i Səfər ayı başlayır və sentyabrın 16-da bitir.

Daha çox foto burada: PhotoStock.az

Nəzrin Vahid