Futbol üzrə Azərbaycan Premyer Liqasının XVIII turunda "Neftçi" ilə oyundan sonra istirahətə buraxılan “Şamaxı” komandası yanvarın 3-də Bakıda bir araya gələcək.

AZƏRTAC kluba istinadla xəbər verir ki, komanda hazırlığın ikinci mərhələsi üçün yanvarın 8-də Antalyaya yollanacaq və 11 gün "Kamelya Selin" hotelində məskunlaşacaq. Bu müddətdə komanda 3 yoxlama oyunu keçirəcək.

Təmsilçimiz yanvarın 11-də Qazaxıstanın "Kaysar" və Rumıniyanın "Botaşani" klubları ilə qarşılaşacaq. "Şamaxı" sonuncu oyununu yanvarın 18-də Serbiyanın "Napredak" klubuna qarşı keçirəcək.