Tamblinq üzrə Azərbaycan yığma komandasının üzvü, Avropa çempionu Mixail Malkin “GymGala” şousuna dəvət alıb.
AZƏRTAC xəbər verir ki, bu barədə Azərbaycan Gimnastika Federasiyası məlumat yayıb.
Tədbir dekabrın 17-18-də Belçikanın Antverpen şəhərində keçiriləcək.
Hər il olduğu kimi, bu il də şouya müxtəlif gimnastika növləri üzrə dünya, Avropa mükafatçıları, həmçinin Olimpiya ulduzları qatılacaqlar.