Dəmir yumruq » Cəmiyyət » Azərbaycanda siqaret bahalaşa bilər - Qiymət və tarix açıqlandı
Cəmiyyət / Dün, 09:04

Azərbaycanda siqaret bahalaşa bilər - Qiymət və tarix açıqlandı

 

Nazirlər Kabineti "Xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri"ndə dəyişiklik edib.
Demiryumruq.az xatırladır ki, bununla bağlı müvafiq qərar imzalanıb.
 
Qərara əsasən, bir sıra məhsullar üzrə idxal gömrük rüsumlarının dərəcələri 2030-cu ilin sonunadək dəyişdirilir.
 
Belə ki, ölkəyə idxal olunan nərə balığı kürüsü üçün gömrük rüsumu 15 faiz, lakin hər kiloqram üçün 200 ABŞ dollarından az olmamaq şərtilə müəyyən edilib. Hazırda bu məhsul üzrə rüsum idxal dəyərinin 15 faizini təşkil edir.
 
Siqar, siqaret və siqarillalar üçün idxal gömrük rüsumu 15 faiz, lakin hər 1 000 ədəd üçün 3 ABŞ dollarından az olmamaq şərtilə müəyyənləşdirilib. Hazırda bu göstərici hər 1 000 ədəd üçün 0.5 ABŞ dollarıdır.
 
Araşdırmamıza görə, idxal statistikasına əsaslanan hesablamaya görə, yeni rüsumun siqaretin bir qutusuna ƏDV daxil orta təsiri təxminən 15-20 qəpik təşkil edə bilər.
 
Qərar 2027-ci il fevralın 11-dən qüvvəyə minəcək.

DəmirYumruq

Baş redaktor: Anar Əlişahoğlu
Telefon: +99499 100 99 23
Telefon: +99477 100 77 23
Email: [email protected]
Haqqımızda

© 2023 Bütün hüquqlar qorunur. Məlumatlar götürülən zaman istinad mütləqdir.