Hazırda Rusiyadan Ermənistana taxıl daşıyan qatar artıq Azərbaycandan Gürcüstan istiqamətində keçir.

Musavat.com xəbər verir ki, bu barədə “Armenpress” agentliyinə Ermənistan baş nazirinin müavini Mher Qriqoryan məlumat verib.

"Rusiyadan Ermənistana gedən taxıl qatarı artıq Azərbaycandan keçərək Gürcüstana gedir. Rusiya taxılını daşıyan qatar tezliklə Ermənistana çatacaq. Fürsətdən istifadə edərək, Azərbaycan və Rusiya həmkarlarımın bu sahədə gördüyü işlərə görə minnətdarlığımı bildirmək istəyirəm. Bu tədbir qarşılıqlı etimadın möhkəmləndirilməsi və sülh gündəliyinin irəliləməsi baxımından böyük əhəmiyyət kəsb edir", - o deyib.