Azərbaycanda qanunvericiliyə təklif edilən dəyişikliyə əsasən, 16 yaşınadək uşaqların sosial şəbəkələrdə şəxsi hesab açması qadağan edilir. 16-18 yaş arası gənclər isə platformalarda yalnız valideyn və ya qanuni nümayəndələrinin razılığı ilə qeydiyyatdan keçə bilərlər.
Məsələ ilə bağlı mətbuata danışan uşaq psixoloqu Leyla Hacıyeva qeyd edib ki, azyaşlıların sosial şəbəkədən istifadəsi zamanı valideynlər tam nəzarəti bərpa edə bilmirlər.
O qeyd edib ki, uşaqlar yaşlarına uyğun olmayan məzmunlarla qarşılaşırlar:
"Bu da onların psixoloji, sosial inkişafına mənfi təsir edir. Ekran müddətinin uzun olması uşaqlarda öyrənmə qabiliyyətinin azalmasına, diqqətin zəifləməsinə gətirib çıxarır".
