Azərbaycan Dövlət Akademik Opera və Balet Teatrının səhnəsində P.Çaykovskinin “Qu gölü” baleti nümayiş olunacaq.

Teatrın mətbuat xidmətindən AZƏRTAC-a bildirilib ki, martın 8-də təqdim olunacaq balet uzun illərdir Opera və Balet Teatrının repertuarındadır.

Tamaşaçılar bu səhnə əsərini hər dəfə fərqli ifalarda görürlər.

Bu dəfə səhnə əsərində əsas rolları Rusiyanın Mariinski Teatrının aparıcı solistləri Nadejda Batoyeva və Flipp Styopin ifa edəcək.