Gənclər Günü ilə əlaqədar Azərbaycan İstiqlal Muzeyində də “Açıq qapı” günləri təşkil olunub.

Muzeydən AZƏRTAC-a bildirilib ki, iki gün davam edən “Açıq qapı” günlərində muzeyi 500-ə yaxın gənc ziyarət edib.

Gənclər həm muzeyin daimi ekspozisiyası, həm də “Qəhrəmanlar can verir yurdu yaşatmaq üçün” layihəsi çərçivəsində təşkil olunan, şəhid gizir Aydın Abdullayevin muzey fondlarında qorunan şəxsi əşyalarının nümayiş olunduğu “Vətənin qürur mənbəyi” adlı sərgi ilə tanış olublar.